Oct 31, 2025 | Fréttir
Starfsfólk og skrifstofa Rekstrarumsjónar flytur í dag frá Bæjarhrauni 6 í Hafnarfirði að Suðurlandsbraut 30 í Reykjavík. Sameinuð skrifstofa tekur formlega til starfa á mánudaginn, 3. nóvember 2025.
Eins og fram hefur komið var gengið frá kaupum Eignaumsjónar á Rekstrarumsjón fyrr í haust. Að undanförnu hefur verið unnið ötullega að því að samþætta starfsemi félaganna.
Öflugur liðsauki
„Það er ánægjulegt að fá þau Anítu Evu, Brimrúnu, Bryndísi, Davíð Arnar, Guðjón Geir, Helgu Soffíu, Hrafnhildi og Tinnu til liðs með okkur og bjóðum við þau hjartanlega velkomin,“ segir Daníel Árnason, framkvæmdastjóri Eignaumsjónar.
„Við hlökkum til að koma til liðs við Eignaumsjón og sinna áfram þar okkar góðu viðskiptavinum, sem og öðrum spennandi verkefnum,“ segja þær Helga Soffía og Hrafnhildur Guðjónsdætur, framkvæmdastjórar hjá Rekstrarumsjón. „Það er von okkar að þessi sameining félaganna gangi hratt og vel fyrir sig og verði öllum til hagsbóta.“
Hafa samband
Fyrst í stað verður hægt að hringja áfram í símanúmer Rekstrarumsjónar, 571-6770 og senda tölvupóst á netfangið umsjon@rekstrarumsjon.is. Unnið er að því að koma öllum gögnum og upplýsingum frá Rekstrarumsjón inn í verkumsjónarkerfi og vinnuferla Eignaumsjónar, þ. á m. inn í Húsbókina, mínar síður eigenda.
Jafnframt er hægt að vera í sambandi við Þjónustuver Eignaumsjónar á Suðurlandsbraut 30, sem er opið kl. 9-16 mánudaga til fimmtudaga og kl. 9-15 á föstudögum. Tekið er við erindum og fyrirspurnum í síma 585-4800, á netfanginu thjonusta@eignaumsjon.is og í netspjalli á www.eignaumsjon.is.
Oct 8, 2025 | Fréttir
Þrír nýir starfsmenn komu til liðs við Eignaumsjón í sumar til að styrkja starfsemina og mæta sívaxandi umsvifum í starfsemi fyrirtækisins. Þetta eru þjónustufulltrúarnir Brynja Agnarsdóttir, Eydís Rut Ómarsdóttir og Guðrún Hjartardóttir.
Guðrún er kennaramenntuð, með B.ed próf frá Háskólanum á Akureyri, viðbótardiplómu í faggreinakennslu frá Háskóla Ísland og stúdentspróf frá Menntaskólanum við Sund. Guðrún starfaði sem kennari við Rimaskóla áður en hún kom til starfa hjá Eignaumsjón og þar áður Ingunnarskóla og Flataskóla. Um tíma starfaði Guðrún einnig við greiðsluþjónustu hjá 365 miðlum.
Eydís vann sem vaktstjóri hjá VON Mathús áður en hún kom til starfa hjá Eignaumsjón. Hún hefur einnig starfað sem sölumaður hjá Innnes og sem þjónustufulltrúi við móttöku og reikningsgerð hjá ráðstefnudeild Hilton Reykjavík Nordica. Eydís er með alþjóðlegt stúdentspróf frá Menntaskólanum við Hamrahlíð og diplómu af textílbraut Myndlistaskólans í Reykjavík.
Brynja er með áratuga reynslu í þjónustu við viðskiptavini og starfaði lengst af sem birtingastjóri hjá Mediacom og þjónustufulltrúi hjá 356 miðlum. Hún hefur einnig unnið við móttökustörf í Húsi atvinnulífsins, Logoflex og Mountaineers of Iceland. Brynja er með stúdentspróf af viðskiptabraut Verkmenntaskólans á Akureyri.
Um Eignaumsjón
Eignaumsjón býr að 25 ára þekkingu og reynslu í þjónustu við húsfélög og rekstrarfélög atvinnuhúsnæðis. Félagið þjónar í dag á annað þúsund hús- og rekstrarfélögum með yfir 28.000 íbúðum/eignum. Áhersla er lögð á hlutlausa nálgun, öryggi, gæðamál og skýra verkferla til að gera rekstur fasteigna markvissari og ódýrari, auka upplýsingaflæði til eigenda og auðvelda störf stjórna.
Mar 19, 2025 | Fréttir
Þrír nýir starfsmenn komu nýlega til liðs við Eignaumsjón til að mæta sívaxandi umsvifum í starfsemi fyrirtækisins. Þetta eru þjónustufulltrúarnir Svandís Unnur Þórsdóttir og Róbert Elvar Kristjánsson og Jónas Heiðar, sem sinnir Húsumsjón.
Jónas vann við smíðar og múrverk hjá eigin fyrirtæki í 20 ár, aðallega fyrir tryggingarfélög og leigufélög, áður en hann kom til starfa hjá Eignaumsjón. Hann er með framhaldsskólapróf frá Fjölbrautarskólanum í Breiðholti.
Róbert Elvar starfaði vel á annan áratug sem sérfræðingur á sölusviði Símans áður en hann hóf störf hjá Eignaumsjón. Hann er með stúdentspróf af viðskipta- og verslunarbraut Fjölbrautarskóla Suðurlands og hefur lagt stund á nám í viðskiptafræði við HA og HÍ.
Svandís Unnur er með stúdentspróf af viðskipta- og hagfræðibraut menntaskólans við Sund. Hún starfaði sem þjónustufulltrúi í einstaklingsþjónustu hjá sölu- og síðar sem ráðgjafi á fyrirtækjasviði þjónustusviðs Sýnar hf., áður en hún byrjaði að vinna hjá Eignaumsjón.
Um Eignaumsjón
Eignaumsjón býr að 25 ára þekkingu og reynslu í þjónustu við húsfélög og rekstrarfélög atvinnuhúsnæðis. Félagið þjónar í dag á annað þúsund hús- og rekstrarfélögum með um 26.500 íbúðum/eignum. Áhersla er lögð á hlutlausa nálgun, öryggi, gæðamál og skýra verkferla til að gera rekstur fasteigna markvissari og ódýrari, auka upplýsingaflæði til eigenda og auðvelda störf stjórna.
Jan 31, 2025 | Fréttir
Aldís Dögg Ólafsdóttir, Anna Íris Sigurðardóttir, Ebba Björg Húnfjörð og Linda Lovísa Sigurbjörnsdóttir komu til liðs við fjármálasvið Eignaumsjónar síðastliðið haust til að styrkja starfsemina og mæta sívaxandi umsvifum félagsins.
Ebba Björg og Linda Lovísa vinna í bókhaldsteymi félagsins, Anna Íris er innheimtufulltrúi og Aldís er í gjaldkerateyminu.
Aldís er með BSc próf í fjármálaverkfræði frá Háskólanum í Reykjavík og stúdentspróf af raungreinasviði frá Menntaskólanum á Akureyri. Áður en Aldís kom til starfa hjá Eignaumsjón vann hún sem mannauðs- og launafulltrúi hjá Sjúkrahúsinu á Akureyri. Þar áður vann hún m.a. við öryggisleit hjá Isavia í sumarvinnu og afleysingum.
Áður en Anna kom til starfa hjá Eignaumsjón vann hún við bókhald og innheimtu hjá Innnes. Þar áður starfaði hún sem innheimtufulltrúi og gjaldkeri hjá Gjaldheimtunni/Momentum og hjá Landsbanka Íslands sem gjaldkeri og einnig í lögfræðideild. Anna er verslunarpróf frá Fjölbrautaskólanum í Ármúla og einnig grafíska miðlun.
Ebba Björg kom til Eignaumsjónar frá Rapyd Europe þar sem hún sá um færslu bókhalds og fleira. Áður vann hún m.a. hjá Kviku banka við bakvinnslu og erlend viðskipti og þar áður hjá PwC, Sparisjóðabanka Íslands og Búnaðarbanka Íslands. Ebba er með verslunarpróf frá Fjölbrautaskólanum í Ármúla og er með nám sem viðurkenndur bókari.
Linda Lovísa var umsjónarmaður verslunar hjá Apóteki Vesturlands áður en hún kom til starfa hjá Eignaumsjón. Þar áður vann hún hjá JGR heildverslun, Eðalfiski og sem verslunarstjóri sérvöru hjá Hagkaup í Borgarnesi. Hún er með skrifstofu og bókhaldsmenntun frá Nýja tölvu- og viðskiptaskólanum og hefur sótt ýmis stafstengd endurmenntunarnámskeið.
Um Eignaumsjón
Eignaumsjón býr að 24 ára þekkingu og reynslu í þjónustu við húsfélög og rekstrarfélög atvinnuhúsnæðis. Félagið þjónar í dag á annað þúsund hús- og rekstrarfélögum með um 25.000 íbúðum/eignum. Áhersla er lögð á hlutlausa nálgun, öryggi, gæðamál og skýra verkferla til að gera rekstur fasteigna markvissari og ódýrari, auka upplýsingaflæði til eigenda og auðvelda störf stjórna.
Dec 2, 2024 | Fréttir
Breytingar hafa verið gerðar á skipuriti Eignaumsjónar og er Tæknisvið fyrirtækisins nú eitt af meginsviðum starfseminnar, ásamt fjármálasviði og þjónustusviði. Samhliða þessum breytingum hefur forstöðumaður tæknisviðs tekið sæti í framkvæmdastjórn fyrirtækisins.
„Fram undan eru spennandi tímar í stafrænni vegferð Eignaumsjónar, bæði í tækniþróun og snjallvæðingu en fyrirtækið hefur unnið markvisst að því í allmörg ár að færa starfsemina yfir í stafrænt umhverfi,“ segir Sigurður Gauti Hauksson, forstöðumaður tæknisviðsins.
Umtalsverð efling tæknisviðs
Fjórir tölvunarfræðingar starfa nú hjá tæknisviði Eignaumsjónar og hefur verið auglýst eftir þremur sérfræðingum til viðbótar, til að mæta fyrirliggjandi áskorunum í hugbúnaðarmálum.
„Þörfin er sannarlega brýn að efla rafræna getu fyrirtækisins, sem er nú með um 1.200 hús- og rekstrarfélög í þjónustu með um 25 þúsund fasteignir/einingar.“
Laus störf í forritun, þróun og notendaþjónustu
Auglýst hefur verið eftir tveimur öflugum forriturum til að þróa Microsoft SQL gagnagrunna og Microsoft .Net C# hugbúnað. Jafnframt er leitað að öflugum starfskrafti til að annast notendaþjónustu við eigin hugbúnað fyrirtækisins og útstöðvar, ásamt því að sinna kennslu og fleiri verkefnum. Nánari upplýsingar um störfin er að finna á alfred.is og eiga allar umsóknir að fara þar í gegn. Umsóknarfrestur er til 15. desember 2024. Auglýsinguna má skoða hér.
