Mannauður

Eignaumsjón leggur ríka áherslu á að fá hæft og traust starfsfólk til starfa hjá fyrirtækinu til framtíðar. Áhersla er lögð á vönduð vinnubrögð, góðan starfsanda og jafnrétti kynja. Félagið hefur sett sér jafnréttisáætlun og öðlaðist jafnlaunastaðfestingu Jafnréttisstofu árið 2023.

Um vinnustaðinn

Eignaumsjón vill skapa jákvæðan og hvetjandi vinnustað og styðja við starfsfólk. Vinnan er bæði krefjandi og skemmtilegt og liðsheildin góð, sem skilar sér í árangri og líflegu vinnuumhverfi þar sem áhersla er lögð á samvinnu og fagmennsku. Við leggjum mikið upp úr teymavinnu og góðum anda á vinnustaðnum, jákvæðum samskiptum og umhverfi þar sem öllum líður vel.

Starfsfólki býðst fjölbreytt fræðsla, til að efla færni og þekkingu. Tækifæri eru einnig til staðar fyrir starfsfólk að sækja námskeið sem efla það í starfi. Félagið styrkir einnig íþróttaiðkun eða aðra heilsurækt starfsfólks.

Jafnréttisáætlun og jafnlaunastaðfesting

Eignaumsjón hefur sett sér jafnréttisáætlun sem samþykkt hefur verið af Jafnréttisstofu, í samræmi við lög um jafna stöðu og jafnan rétt kynja nr. 150/2020.
Markmiðið er að starfsfólk njóti sömu virðingar óháð kyni og hafi jöfn tækifæri til að þróast í starfi með því að takast á við krefjandi verkefni sem efla það og styrkja. Allt starfsfólk er metið af verðleikum með áherslu á að allir njóti jafnra tækifæra á vinnustaðnum.

Jafnframt hefur Eignaumsjón öðlast jafnlaunastaðfestingu hjá Jafnréttisstofu. Til að öðlast staðfestinguna hefur félagið sett sér jafnlaunastefnu, sem felur m.a. í sér að allt starfsfólk fær sömu laun og sömu kjör fyrir sömu eða jafnverðmæt störf. Gerð var starfaflokkun, launagreining og áætlun um úrbætur, þar sem við á og þær upplýsingar sendar Jafnréttisstofu ásamt samantekt æðstu stjórnenda. Sjá nánar hér um þær kröfur sem gerðar eru til að öðlast jafnlaunastaðfestingu Jafnréttisstofu: https://www.jafnretti.is/is/vinnumarkadur/jafnlaunastadfesting/jafnlaunastadfesting

Viltu vinna hjá Eignaumsjón?