Um Húsbók Eignaumsjónar

Húsbókin, áður MÍNAR SÍÐUR, er rafræn þjónustu- og upplýsingagátt fyrir eigendur fasteigna og stjórnarmenn húsfélaga á heimasíðu Eignaumsjónar.

Í húsbókinni er leitast við að safna saman og gera aðgengileg öll helstu gögn viðkomandi húsfélags. Til dæmis má benda á að í aðdraganda hús- og aðalfunda eru fundargögn aðgengileg til upplýsingar og skoðunar fyrir fund.

Hvað gögn eru þetta?

Eigendur/íbúar sjá m.a. húsgjöldin sín (greiðsluseðla/kröfusögu), fundargerðir, ársreikninga, kostnaðaráætlanir, tryggingarskírteini og ýmis gögn sem snúa að viðhaldi og framkvæmdum húsfélagsins.

Stjórnarmenn sjá m.a. daglega fjárhagsstöðu húsfélagsins, stöðu bankareikninga, útistandandi húsgjöld/framkvæmdagjöld, stöðu innheimtukrafna allra greiðenda. Einnig eru eftirlitsskýrslur húsumsjónar aðgengilegar, ef við á sem og önnur gögn sem snúa að stjórn húsfélagsins.

Þjónustubeiðnir

Einnig er hægt að senda ýmsar þjónustubeiðnir rafrænt í gegnum Húsbókina á www.eignaumsjon.is. Þar má t.d. nefna nafnabreytingar og eigendaskipti, breytingar á heimilsfangi, yfirlýsingu húsfélags, beiðnir vegna útlagðs kostnaðar o. fl.

Örugg innskráning gegnum island.is

Innskráningin er aðgangsstýrð, til að tryggja að einungis þeir sem eiga rétt á að skoða umrædd gögn hafi aðgang að þeim. Notandi er skráður með kennitölu greiðanda og/eða eiganda og fer innskráning fram í gegnum island.is, með rafrænum skilríkjum í snjallsíma eða íslykli.

Viðskiptavinir sem til þessa hafa notað veflykil til að skrá sig eða sitt fyrirtæki inn á MÍNAR SÍÐUR þurfa að útvega sér íslykil, ef þeir eiga hann ekki fyrir. Íslykill er gefinn út af Þjóðskrá Íslands, sjá nánari upplýsingar á www.island.is.

Aðgengilegar upplýsingar auka gagnsæi og virði eigna

Eignaumsjón lítur á Húsbókina sem mikilvægt skref í átt að því að veita eigendum fasteigna ítarlegar og gagnlegar upplýsingar og mun leitast við að efla hana enn frekar í framtíðinni. Það er okkar mat að aðgengilegar upplýsingar auka virði eigna og þess njóta þær eignir sem tengjast hús- og rekstrarfélögum í þjónustu Eignaumsjónar.