Viltu koma í viðskipti?
Við erum brautryðjendur á Íslandi í rekstrarumsjón fasteigna. Með sérhæfðu og traustu starfsfólki, faglegum vinnubrögðum, gagnsæjum verkferlum og öflugri upplýsingagjöf gerum við rekstur húsfélaga og atvinnuhúsa bæði markvissari og hagkvæmari.
Ertu að mæta á aðalfund?
Ríflega 1.200 aðalfundir hús- og rekstrarfélaga eru á dagskrá hjá Eignaumsjón fram til maíloka 2025. Hér er hægt að skoða staðsetningu fundarsala okkar í Reykjavík og Hafnarfirði, hvaða mál þarf að afgreiða á aðalfundi, nálagst umboð ef eigendur hafa ekki tök á að mæta á aðalfund í sínu húsfélagi og skrá sig inn á Húsbókina, þar sem fundargögn eru aðgengileg fyrir aðalfundinn.
Húsbókin ykkar!
Húsbókin, mínar síður eigenda, er upplýsingagátt fyrir alla sem við vinnum fyrir. Þar geta stjórnir og eigendur skoðað rauntímaupplýsingar um sitt félag og sína eign, sent inn rafrænar þjónustubeiðnir og nýtt afslætti sem eru í boði hjá okkur.
Húsumsjón
-reglubundin umsjón með sameigninni!
Húsumsjón er hagkvæm og skynsamleg lausn fyrir stærri hús- og rekstrarfélög. Reglubundin umsjón með sameign fasteignar og grunnkerfum lækkar viðhaldskostnað og tryggir að ástand fasteignarinnar er ávallt eins og best verður á kosið.
Eru aðgangsstýringar í húsfélaginu í molum?
Við aðstoðum húsfélög við að koma upp aðgangsstýringum og öryggiskerfum í fjölbýlishúsum og bílageymslum með úttekt og verðkönnun. Við tökum líka að okkur eftirlit með uppsetningu þessara kerfa fyrir húsfélög og önnumst einnig rekstur og umsjón þeirra.
fasteignir í okkar umsjón
fjöldi starfsfólks
ára reynsla í umsjón húsfélaga
aðal-, hús- og stofnfundur 2025
Fréttir
Aðgengi að fundarsölum Eignaumsjónar
Aðalfundir 2026 fara vel af stað og frá 5. janúar hefur Eignaumsjón þegar haldið um 40 af þeim 1.220 aðalfundum sem eru á dagskrá fram að lokum maímánaðar. Meirihluti þessara funda verður haldinn í nýlegum fundarsölum félagsins á Suðurlandsbraut 30 í Reykjavík og því...
Fyrsta fjölbýlishús landsins í þjónustu hjá Eignaumsjón
Bjarnaborg á Hverfisgötu 83, fyrsta fjölbýlishús landsins sem byggt var árið 1902, er komið í húsfélagsþjónustu hjá Eignaumsjón. Fyrirtækið H83 ehf. keypti húsið af Félagsbústöðum í desember 2024 og tók allt húsið í gegn, bæði innanhúss og utan. 15 íbúðir eru í húsinu...
Opnunartímar skrifstofu Eignaumsjónar um jól og áramót
Starfsfólk Eignaumsjónar óskar viðskiptavinum og landsmönnum öllum gleðilegra jóla og farsældar á komandi ári og þakkar ánægjuleg samskipti á liðnum árum. Skrifstofa Eignaumsjónar er lokuð á aðfangadag, jóladag og annan í jólum. Mánudaginn 29. og þriðjudaginn 30....
Spurt og svarað
Hvað er innifalið í þjónustunni?
Eignaumsjón býður húsfélögum þrjár mismunandi leiðir í þjónustunni allt eftir því hvers mikla þjónustu húsfélög vilja nýta sér. Þjónustuleið 1 snýr að öllu sem tengist fjármálum húsfélagsins, í þjónustuleið 2 bætist við að halda utan um aðalfundinn og í þjónustuleið 3 er innifalin útvegun þjónustu í gegnum þjónustuverið og ráðgjöf varðandi reksturinn. Nánari upplýsingar um hvað er innifalið í þjónustuleiðunum er að finna á heimasíðunni.
Hverjir geta tekið ákvörðun um framkvæmdir?
Ákvarðanir um framkvæmdir og viðhald sameignar eru jafnan teknar á húsfundum. Samhliða ákvörðun um viðhaldsframkvæmdir þarf einnig að huga að því hvernig húsfélagið hyggst fjármagna framkvæmdirnar og ákveða fyrirkomulag innheimtu fyrir framkvæmdunum.
Hvernig kemst ég inn í Húsbókina?
Innskráning í Húsbókina er aðgangsstýrð til að tryggja gagnaöryggi. Smellið á hlekkinn HÚSBÓKIN uppi til hægri á stikunni á heimasíðu Eignaumsjóna og þá kemur upp innsrkáningarsíða til að ská sig inn. Notandi (eigandi/greiðandi) skráir sig inn með kennitölu og rafrænum skilríkjum, s.s. í snjallsíma eða með auðkennisappi. Þá geta bæði einstaklingar og prókúruhafar fyrirtækja heimilað öðrum að fara með málefni viðkomandi einstaklings eða lögaðila í Húsbókinni. Hlekkur til að veita umboð er á eignaumsjon.is/umbod-fyrir-husbokina.
Hvernig er með samþykki reikninga sem húsfélagið greiðir?
Með sérstöku samþykktarkerfi er óskað eftir staðfestingu á greiðslu reikninga fyrir hönd húsfélagsins. Algengast er að formaður stjórnar eða stjórn staðfesti eða samþykki reikninga. Stjórn getur hins vegar ákveðið að hafa samþykktarferlið með öðrum hætti. Reikningar sem byggja á samningi eru greiddir en kallað er eftir samþykki fyrir greiðslu annarra reikninga.
Greiðsluseðillinn er ekki kominn í heimabankann minn, hvar sé ég hann?
Kröfur vegna húsgjalda og framkvæmdagjalda stofnast í heimabönkum greiðenda. Greiðsluseðlar birtast ekki undir rafræn skjöl í heimabankanum. Greiðsluseðlar eru ekki sendir út í bréfpósti nema um slíkt sé beðið sérstaklega. Greiðsluseðlar eru aðgengilegir greiðendum í Húsbókinni á heimasíðu Eignaumsjónar.
Fara húsfélagskröfur sjálfkrafa í innheimtu ef vanskil verða?
Eitt af lykilatriðum í fjármálaþjónustunni okkar er örugg innheimta húsgjalda og vanskil eru ávallt meðhöndluð sjálfkrafa samkvæmt föstu innheimtuferli. Innheimtunni er fylgt eftir með áminningum og viðvörunum bréf- og símleiðis, ef ekki er greitt á réttum tíma skv. ákveðnu innheimtuferli. Ef ekkert gerist og engar greiðslur berast í þrjá mánuði frá eindaga fer málið í löginnheimtu. Húsgjöld og framkvæmdainnheimtur bera lögveð í eitt ár frá gjalddaga kröfunnar og því er mikilvægt að innheimtuferlinu sé fylgt eftir svo lögveð glatist ekki.
Hvar er hægt að sjá hverjir eru í stjórn húsfélagsins?
Upplýsingar um stjórn húsfélagsins er að finna í Húsbókinni á heimasíðu Eignaumsjónar.
Á hverju byggjast kostnaðaráætlanir húsfélaga?
Kostnaðaráætlun byggir fyrst og fremst á rauntölum úr rekstri. Horft er til þess hvernig kostnaður hefur þróast síðustu mánuði og ár ásamt því að taka mið af verðlagshækkunum. Einnig kemur reynsla og þekking starfsfólks Eignaumsjónar, sem vinnur að áætlanagerð fyrir fjöldann allan af húsfélögum, að góðum notum. Mikilvægt er jafnframt að koma upplýsingum frá stjórn húsfélags inn í áætlanagerðina, m.a. ef ákveðin verkefni eru á döfinni svo hægt sé að áætla fyrir slíkum útgjöldum.
Hvernig skal tilkynna um tjón sem falla undir tryggingar húsfélags?
Eigandi tilkynnir sjálfur um tjón í séreign sinni til tryggingarfélags húsfélagsins. Finna má tryggingarskírteini og um hvaða tryggingarfélag ræðir í Húsbókinni (mínar síður eigenda) á vef Eignaumsjónar.
Hvar finn ég fundargerðir húsfélagsins?
Fundargerðir birtist í Húsbók húsfélagsins á heimasíðu Eignaumsjónar. Það geta liðið nokkrir dagar frá fundi þar til fundargerð er aðgengileg.
Get ég fengið fundarboð í tölvupósti?
Hvernig ársreikningi er skilað?
Fyrir aðalfund ár hvert er unninn ársreikningur fyrir húsfélagið. Ársreikningurinn inniheldur rekstrarreikning með sundurliðun á hlutfallsskiptum og jafnskiptum rekstrargjöldum, efnahagsreikning og sundurliðanir ásamt rekstraruppgjöri í sumum tilvikum. Fært er viðskiptamannabókhald þar sem hver eign er í raun viðskiptamaður, enda er það eignin sem stendur skil á húsgjöldum til húsfélagsins. Nýr ársreikningur er aðgengilegur í Húsbókinni fyrir aðalfund húsfélags. Þar eru jafnframt eldri ársreikningar aðgengilegir.
Hvernig er gjöldum skipt í jafnskipt og hlutfallsskipt húsgjöld ?
Fyrir aðalfund ár hvert er unninn ársreikningur fyrir húsfélagið. Ársreikningurinn inniheldur rekstrarreikning með sundurliðun á hlutfallsskiptum og jafnskiptum rekstrargjöldum, efnahagsreikning og sundurliðanir ásamt rekstraruppgjöri í sumum tilvikum. Fært er viðskiptamannabókhald þar sem hver eign er í raun viðskiptamaður, enda er það eignin sem stendur skil á húsgjöldum til húsfélagsins. Nýr ársreikningur er aðgengilegur í Húsbókinni fyrir aðalfund húsfélags. Þar eru jafnframt eldi ársreikningar aðgengilegir.
Hvað er innifalið í Húsumsjón?
Húsumsjón felur í sér reglulegar eftirlitsferðir þar sem fylgst er með hita og örðum kerfum í sameign, þjónustuaðilum, umgengni og smærri viðhaldsverkefnum sinnt. Eða eins og einn viðskiptavina orðaði það: „Húsumsjónin er eins og starf húsmóðurinnar að því leyti að það tekur enginn eftir því hvað er gert fyrr en þjónustan hættir.“
Hvaða gögn eru í Húsbókinni?
Í Húsbókinni, sem er aðgengileg á heimasíðu Eignaumsjónar, geta viðskiptavinir nálgast helstu gögn síns húsfélags, s.s. fundargerðir, húsgjöld (greiðsluseðla og kröfusögu), tryggingar, ársreikninga o.fl. Stjórnarmenn geta séð daglega fjárhagsstöðu húsfélagsins, stöðu bankareikninga, útistandandi kröfur og stöðu innheimtukrafna.
Hvernig er eftirlitsferðum Húsumsjónar háttað?
Tíðni eftirlitsferða er ákveðin í upphafi samnings. Vikulegar heimsóknir eru algengar en einnig er hægt að vera með hálfsmánaðarlegar og mánaðarlegar heimsóknir. Í tengslum við eftirlitsferðir verður til skýrsla þar sem fram koma helstu aðgerðir og verkefni sem unnin hafa verið. Þessi skýrsla er aðgengileg stjórn húsfélagsins í Húsbók félagsins á heimasíðu Eignaumsjónar.
Hvernig er farið með endurgreiðslur á virðisauka/vsk-greiðslur?
Verkkaupi getur fengið endurgreiddan virðisaukaskatt af vinnu manna við íbúðarhúsnæði, í takt við gildandi reglur á hverjum tíma hjá Skattinum. Húsfélagið er verkkaupi og sækir Eignaumsjón um endurgreiðslu jafnt jafnt og þétt yfir árið fyrir hönd húsfélaga vegna vinnu við sameign. Í stórum viðhaldsframkvæmdum getur endurgreiðslan oft á tíðum verið há upphæð en það ber þó að nefna að húsfélagið þarf að greiða reikning, áður en hægt er að fá endurgreiðslu frá Skattinum. Mikilvægt er því að fjármagna framkvæmdina að fullu og deila síðan út endurgreiðslunni, t.d. með framkvæmdauppgjöri í lok verks.
Sjáðu hvað okkar viðskiptavinir
hafa að segja
Umsagnir viðskiptavina
Framkvæmdastjóri Byggingafélagsins Skugga
Kristjana Lind Hilmarsdóttir
Ég hef alltaf átt mjög góð viðskipti við Eignaumsjón sem hefur alfarið séð um að stofna fyrir okkur húsfélög í þeim fjölbýlishúsum sem við höfum byggt. Allt utanumhald er sérlega gott, þau eru með heildarlausnir og klára málin alveg frá A til Ö. Þetta hefur því bara verið algerlega áhyggjulaust fyrir mig og mér finnst það alveg þess virði að kaupa þessa þjónustu, til að tryggja að þessi mál séu í lagi þegar við erum að afhenda eignir í nýjum húsum.
Formaður í húsfélaginu Forsalir 1 í Kópavogi
Rannveig Traustadóttir
Húsfélagið mitt hefur verið í þjónustu hjá Eignaumsjón í tæplega 1 ár. Reynsla mín að þjónustunni er einstaklega góð. Skipulag og framkvæmd funda er til fyrirmyndar og aðgengi að öllum gögnum í húsbókinni mjög gott. Alltaf er brugðist hratt og vel við öllum fyrirspurnum og óskum um aðstoð. Eignaumsjón er annt um að veita fyrsta flokks þjónustu og er hiklaust hægt að mæla með þessu fyrirtæki.
Fyrrverandi formaður í rekstrarfélaginu Þórunnartún 2
Helga Sigrún Harðardóttir
Starfsemi húsfélagsins hafði legið í dvala og margt verið látið reka á reiðanum áður en Eignaumsjón kom sterk inn og hjálpaði okkur að koma rekstrinum í gott horf. Það er mín reynsla að starfsfólk Eignaumsjónar sé ætíð til staðar fyrir sína viðskiptavini, viðbragðstími vegna fyrirspurna og aðstoðar stuttur og gögn og upplýsingar ávallt til og aðgengilegar.
Skoðunarmaður ársreikninga og fyrrverandi formaður í húsfélaginu Skúlagata 40, 40a og 40b
Bjarni Ómar Jónsson
Við erum mjög sátt við þjónustuna hjá Eignaumsjón sem sér um fjármál og fundi fyrir okkur og útvegar þjónustu. Við völdum Eignaumsjón vegna reynslu og þekkingar þeirra og hefur samstarfið gengið eintaklega vel.
Meðstjórnandi og fyrrverandi formaður í húsfélaginu Bólstaðarhlíð 45
Albert Ingason
Samstarfið hefur gengið vel og ég gæfi ekki kost á mér til stjórnarsetu ef húsfélagið nytu ekki þjónustu og stuðnings Eignaumsjónar. Eignaumsjón er heppin með starfsfólk og það er sama hver tekur við erindum, ég fæ alltaf úrlausn fljótt og vel. Þá er vel haldið utan um húsfélagsfundi og fundargögn, skipulag funda er gott og mál ganga hnökralaust fyrir sig. Vel er líka staðið að upplýsingagjöf og geta allir sett sig inn í mál í Húsbókinni, mínum síðum eigenda.
Formaður í húsfélaginu Háaleitisbraut 68 – Austurver
Karl Jónas Gíslason
Við höfum nýtt okkur þjónustu Eignaumsjónar undanfarin ár. Starfsfólk er til fyrirmyndar, bæði hvað varðar bókhald, sem og allra aðra þjónustu, þ. á m. aðalfundi húsfélagsins okkar. Liðlegheit og góð þjónustulund hefur einkennt öll samskipti okkar við starfsfólk Eignaumsjónar.