Húsumsjón – reglubundið eftirlit með sameign

Húsumsjón er sérþjónusta fyrir hús- og atvinnufélög sem tryggir reglubundna umsjón með sameign fasteignar, stuðlar að lægri viðhaldskostnaði og sér til þess að ásýnd viðkomandi fasteignar verði eins og best er á kosið.

Hagnýt lausn við eftirlit og umsjón með sameign húsa og húsfélaga

Allir sem þekkja rekstur húsfélaga vita að þörf er á reglubundnu eftirliti með daglegri umhirðu og ástandi sameignar, innanhúss sem utan. Húsumsjón kemur í stað hefðbundinnar húsvörslu og er hagkvæm og skynsamleg lausn fyrir fjölda húsfélaga og rekstrarfélaga.

Í stað húsvarðar í fullu starfi útvegar Eignaumsjón þjónustu fagmanns í hlutastarfi, með tilheyrandi sparnaði. Hann fer reglulega yfir ástand húseignarinnar, gerir nauðsynlegar úrbætur og fylgist með orkunotkun sem og öðrum kerfum og búnaði eignarinnar, sem þarf að vera í góðu lagi.