May 26, 2026 | Fréttir
Gunnar Egill Sigurðsson hefur verið ráðinn nýr framkvæmdastjóri Eignaumsjónar. Hann hefur starfað á dagvörumarkaðnum síðustu 23 árin, síðast sem forstjóri Samkaupa. Hann kemur til starfa í júní þegar Daníel Árnason, sem gegnt hefur starfi framkvæmdastjóra Eignaumsjónar síðustu tvo áratugina, lætur af störfum en Daníel kemur áfram að starfsemi félagsins sem stjórnarmaður.
Eignaumsjón er leiðandi fyrirtæki á Íslandi í þjónustu við húsfélög og rekstrarfélög fasteigna og býr yfir víðtækri þekkingu og reynslu í rekstri fjöleignarhúsa eftir rúmlega aldarfjórðungs starfsemi.
„Við bjóðum Gunnar Egil velkominn til starfa og hlökkum til að vinna með honum að áframhaldandi uppbyggingu Eignaumsjónar,“ segir Guðjón Ármann Jónsson, stjórnarformaður Eignaumsjónar.
„Ég er spenntur að leiða Eignaumsjón áfram veginn,“ segir Gunnar Egill Sigurðsson, verðandi framkvæmdastjóri Eignaumsjónar. „Félagið er fjárhagslega sterkt, það býr yfir reynslumiklu starfsfólki og ég hlakka til að kynnast því öfluga fólki sem þar starfar. Innviðir eru sömuleiðis traustir og ég sé fjölmörg tækifæri fyrir félagið til að sækja fram.“
Um Eignaumsjón
Eignaumsjón býr að 25 ára þekkingu og reynslu í þjónustu við húsfélög og rekstrarfélög fasteigna og er umsvifamesta fyrirtæki landsins á þessu sviði. Áhersla er lögð á hlutlausa nálgun, öryggi, gæðamál og skýra verkferla til að gera rekstur fasteigna markvissari, öruggari og ódýrari, sem og að auka upplýsingaflæði til eigenda og auðvelda störf stjórna.
Mikill vöxtur hefur verið í starfsemi Eignaumsjónar undanfarin ár, fjárhagsleg staða félagsins er traust, samtímis því sem kröfur hafa aukist um nýjar útfærslur á þjónustu og nýsköpun með enn frekari tæknivæðingu og stafrænum lausnum. Starfsmenn eru 65 talsins og hefur félagið nú umsjón með daglegum rekstri ríflega 1.350 hús- og rekstrarfélaga með hátt í 32.000 íbúðum/eignarhlutum.
May 22, 2026 | Fréttir
Edda Björk Eggertsdóttir er nýlega komin til starfa sem sérfræðingur í fjármálateymi Eignaumsjónar.
Edda er með MS gráðu í verkefnastjórnun frá Háskóla Íslands og BS gráðu í viðskiptafræði frá Háskólanum á Bifröst.
Áður en Edda kom til starfa hjá Eignaumsjón vann hún sem fagstjóri fjármáladeildar Samgöngustofu og þar áður m.a. hjá Eimskip-Flytjanda. Þá á Edda að baki langan feril sem leikmaður og þjálfari í handbolta og fótbolta, m.a. hjá Knattspyrnudeild Ungmennafélags Selfoss (UMFS) og yngri flokkum ÍBV í handbolta.
Um Eignaumsjón
Eignaumsjón býr að 25 ára þekkingu og reynslu í þjónustu við húsfélög og rekstrarfélög atvinnuhúsnæðis og er umsvifamesta fyrirtæki landsins á þessu sviði. Áhersla er lögð á hlutlausa nálgun, öryggi, gæðamál og skýra verkferla til að gera rekstur fasteigna markvissari og ódýrari, auka upplýsingaflæði til eigenda og auðvelda störf stjórna.
May 27, 2025 | Fréttir
Þrír nýir starfsmenn komu nýlega til liðs við tæknisvið Eignaumsjónar til að mæta sívaxandi umsvifum í starfsemi fyrirtækisins. Þetta eru Halldór Ingólfsson þjónustufulltrúi, Pétur Sigurðsson forritari og Sigurður Smári Hergeirsson, sem annast einnig forritun og gagnavinnslu.
Ráðning þremenninganna er í framhaldi af breytingum sem gerðar voru í lok síðasta árs með áherslu á enn frekari stafræna vegferð Eignaumsjónar og eru starfsmenn á tæknisviði nú sjö talsins.
Halldór var þjónustufulltrúi hjá Fjöleignum áður en félagið var sameinað Eignaumsjón sumarið 2024 og var fulltrúi í þjónustuveri Eignaumsjónar, áður en hann færði sig um set yfir á tæknisvið félagsins. Halldór er með próf í vefþróun og margmiðlunarhönnun frá dönskum háskóla og framhaldsskólapróf frá Fjölbrautaskóla Norðurlands vestra.
Pétur starfaði sem forritari hjá fyrirtækinu Helix, áður en hann réðst til starfa hjá Eignaumsjón. Þar áður starfaði hann sem app forritari hjá Origo heilbrigðislausnum og þar áður sem tæknimaður hjá Jarðvísindastofnun Háskóla Íslands. Pétur er með háskólapróf, BSc í tölvunarfræði, frá Háskóla Íslands.
Sigurður Smári vann sem hugbúnaðarsérfræðingur á veflausnasviði hjá Advania áður en hann kom til starfa hjá Eignaumsjón. Þar á undan vann hann sem forritari á hugbúnaðarsviði hjá Reiknistofu bankanna/Teris og þar áður sem sérfræðingur á hugbúnaðarsviði hjá Skýrr. Sigurður Smári er menntaður kerfisfræðingur frá Tölvuháskóla Verzlunarskólans og er með raungreinadeildarpróf/stúdentspróf frá Tækniskóla Íslands.
„Það eru spennandi tímar hjá okkur að mæta fyrirliggjandi áskorunum í hugbúnaðarmálum,“ segir Sigurður Gauti Hauksson, forstöðumaður tæknisviðs Eignaumsjónar, en félagið þjónar í dag á annað þúsund hús- og rekstrarfélögum með á 27. þúsund íbúðum/eignum.
Um Eignaumsjón
Eignaumsjón býr að 25 ára þekkingu og reynslu í þjónustu við húsfélög og rekstrarfélög atvinnuhúsnæðis. Áhersla er lögð á hlutlausa nálgun, öryggi, gæðamál og skýra verkferla til að gera rekstur fasteigna markvissari og ódýrari, auka upplýsingaflæði til eigenda og auðvelda störf stjórna.
Jan 31, 2025 | Fréttir
Aldís Dögg Ólafsdóttir, Anna Íris Sigurðardóttir, Ebba Björg Húnfjörð og Linda Lovísa Sigurbjörnsdóttir komu til liðs við fjármálasvið Eignaumsjónar síðastliðið haust til að styrkja starfsemina og mæta sívaxandi umsvifum félagsins.
Ebba Björg og Linda Lovísa vinna í bókhaldsteymi félagsins, Anna Íris er innheimtufulltrúi og Aldís er í gjaldkerateyminu.
Aldís er með BSc próf í fjármálaverkfræði frá Háskólanum í Reykjavík og stúdentspróf af raungreinasviði frá Menntaskólanum á Akureyri. Áður en Aldís kom til starfa hjá Eignaumsjón vann hún sem mannauðs- og launafulltrúi hjá Sjúkrahúsinu á Akureyri. Þar áður vann hún m.a. við öryggisleit hjá Isavia í sumarvinnu og afleysingum.
Áður en Anna kom til starfa hjá Eignaumsjón vann hún við bókhald og innheimtu hjá Innnes. Þar áður starfaði hún sem innheimtufulltrúi og gjaldkeri hjá Gjaldheimtunni/Momentum og hjá Landsbanka Íslands sem gjaldkeri og einnig í lögfræðideild. Anna er verslunarpróf frá Fjölbrautaskólanum í Ármúla og einnig grafíska miðlun.
Ebba Björg kom til Eignaumsjónar frá Rapyd Europe þar sem hún sá um færslu bókhalds og fleira. Áður vann hún m.a. hjá Kviku banka við bakvinnslu og erlend viðskipti og þar áður hjá PwC, Sparisjóðabanka Íslands og Búnaðarbanka Íslands. Ebba er með verslunarpróf frá Fjölbrautaskólanum í Ármúla og er með nám sem viðurkenndur bókari.
Linda Lovísa var umsjónarmaður verslunar hjá Apóteki Vesturlands áður en hún kom til starfa hjá Eignaumsjón. Þar áður vann hún hjá JGR heildverslun, Eðalfiski og sem verslunarstjóri sérvöru hjá Hagkaup í Borgarnesi. Hún er með skrifstofu og bókhaldsmenntun frá Nýja tölvu- og viðskiptaskólanum og hefur sótt ýmis stafstengd endurmenntunarnámskeið.
Um Eignaumsjón
Eignaumsjón býr að 24 ára þekkingu og reynslu í þjónustu við húsfélög og rekstrarfélög atvinnuhúsnæðis. Félagið þjónar í dag á annað þúsund hús- og rekstrarfélögum með um 25.000 íbúðum/eignum. Áhersla er lögð á hlutlausa nálgun, öryggi, gæðamál og skýra verkferla til að gera rekstur fasteigna markvissari og ódýrari, auka upplýsingaflæði til eigenda og auðvelda störf stjórna.
Dec 15, 2023 | Fréttir
Sigríður Hrefna Þorsteinsdóttir er nýr þjónustufulltrúi í þjónustuveri Eignaumsjónar, þar sem sinnt er erindum frá stjórnum hús- og rekstrarfélaga, samskiptum við bæði þjónustu- og fagaðila og erindum svarað sem berast félaginu.
Sigríður Hrefna vann sem þjónustufulltrúi hjá Íslandspósti áður en hún kom til starfa hjá Eignaumsjón og sem launfulltrúi og bókari hjá fyrirtækinu Skákgreind. Hún er með BSc próf í ferðamálafræði og jarðfræði sem aukagrein frá Háskóla Íslands, sem og grunn- og framhaldsnám í bókhaldi og bókaranámi frá Nýja tölvu- og viðskiptaskólanum.
Um Eignaumsjón
Eignaumsjón hf. býr að 23 ára þekkingu og reynslu í þjónustu við húsfélög og rekstrarfélög atvinnuhúsnæðis. Félagið hefur umsjón með daglegum rekstri rúmlega 900 virkra félaga með tæplega 19.300 fasteignum og er umsvifamesta fyrirtæki landsins á þessu sviði. Áhersla er lögð á hlutlausa nálgun, öryggi, gæðamál og skýra verkferla með það að markmiði að gera rekstur fasteigna markvissari og ódýrari, auka upplýsingaflæði til eigenda og auðvelda störf stjórna.
