Í sumar og haust stóðu yfir utanhússviðgerðir hjá fjölmörgum húsfélögum sem eru í þjónustu Eignaumsjónar. Nú hafa flestir verktakanna lokið verkum sínum. Almennt hafa framkvæmdirnar gengið vel en verktakar standa sig misvel eins og gengur og gerist.
Hjá flestum húsfélaganna er uppgjörum lokið, búið að skipta upp séreignar- og sameignarkostnaði, senda út greiðsluseðla til þeirra sem skulda skv. uppgjöri og greiða þeim sem eiga inni. Búið er að halda uppgjörsfundi þar sem eftirlitsaðili hefur farið yfir verkið, greint frá gangi þess og frávikum. Þar hafa eigendur komið á framfæri athugasemdum kunni einhverju að vera ábótavant af hálfu verktaka eða uppgjörsaðila.
Á fundunum hefur komið fram ánægja með hvernig að framkvæmdum er staðið, alveg frá ákvörðun til uppgjörs. Og það verður að telja jákvætt fyrir alla hlutaðeigandi að uppgjörum skuli lokið jafnvel innan hálfs mánaðar frá því framkvæmdum er lokið.
Recent Comments