Eignaumsjón verður í Vetrargarðinum – bás B2
Við verðum með kynningarbás og á sýningunni Viðhald 2010
Allar upplýsingar og öll fagþekking á einum stað
Sýningin VIÐHALD 2010 verður haldin dagana 5. – 6. mars 2010 í Vetrargarðinum í Smáralind.
Sýningin verður stórglæsilegt upplýsingatorg þar sem einstaklingar, húsfélög og húseigendur fá svör við spurningum um allt það sem lýtur að viðhaldsmálum
Núna er rétti tíminn fyrir viðhaldið – 100% endurgreiðsla vsk Í mars 2009 voru samþykkt lög á Alþingi þess efnis að á tímabilinu 1. mars 2009 og út árið 2010 skuli endurgreiða eigendum íbúðarhúsnæðis 100% þess virðisaukaskatts sem þeir hafa greitt af vinnu manna við endurbætur eða viðhald þess. Nú er því rétti tíminn til þess að láta hendur standa fram úr ermum.
Glæsilegt sýningarsvæði
Sýningarsvæðið í Vetrargarðinum verður nýstárlegt og glæsilegt. Ekki verður um hefðbundna sýningarbása að ræða.
VIÐHALD 2010 verður einstakur vettvangur fyrir þá sem standa frammi fyrir viðhaldi og /eða endurbótum á sínu húsnæði. Sýningin verður auk þess öflug fagsamkoma ólíkra fagsviða sem eiga það sameiginlegt að greiða götu húseigenda á mismunandi stigum verkefnanna. Viðhald húseigna er ekki val, það er nauðsyn.
Recent Comments