Yfirlýsingar húsfélaga

Nú þegar fasteignaviðskipti færast í vöxt er ekki úr vegi að rifja upp skyldur húsfélaga í þeim efnum.

Samkvæmt gildandi lögum nr. 40/2002 er ekki heimilt að ganga frá kaupsamningi nema fyrir liggi yfirlýsing húsfélags þar sem upplýst er um greiðslustöðu hússjóðs, væntanlegar framkvæmdir ofl.

Útfyllingu gagna af hálfu húsfélagsins þarf að vanda þar sem fasteignaviðskipti snúast um háar fjárhæðir og mistök geta leitt af sér ágreining og jafnvel málaferli.

Í lögunum segir (11.gr.) að yfirlýsing húsfélags sé hluti af sölulýsingu fasteignarinnar:

h-liður 11.greinar segir að þar skuli tilgreina: Hver eru húsgjöld og yfirstandandi eða væntanlegar framkvæmdir sem búið er að ákveða á fundi húsfélags, sé um fjöleignarhús að ræða, og um stöðu eiganda gagnvart hússjóði og framkvæmdasjóði húsfélags.

Þetta þýðir að húsfélag skal einungis greina frá þegar samþykktum og yfirstandandi viðhaldsverkefnum.

Einnig er rétt er að minna á þá skyldu kaupanda að skoða fyrirhugaða fasteign gaumgæfilega og jafnframt á þá skyldu seljanda að upplýsa kaupanda um galla á eigninni.

Yfirlýsingar húsfélaga

Recent Posts

Recent Comments