Búið er að halda 327 aðalfundi hús- og rekstrarfélaga hjá Eignaumsjón það sem af er ári en áætlað er að halda vel á sjöunda hundrað aðalfundi á árinu.
„Undirbúningur og fundarhöld hafa almennt gengið vel og sömuleiðis frágangur ársreikninga og kostnaðaráætlana,“ segir Páll Þór Ármann, forstöðumaður þjónustusviðs Eignaumsjónar og þakkar það bæði samstarfsfólki hjá Eignaumsjón, fundarstjórum félagsins og síðast en ekki síst stjórnum og eigendum hús- og rekstrarfélaganna sjálfra.
Að meðaltali verða haldnir um 40 aðalfundir á viku á vegum Eignaumsjónar á aðalfundatímanum, sem lögum samkvæmt er frá áramótum til aprílloka. Boða skal til aðalfunda skriflega og með sannanlegum hætti með minnst átta og mest 20 daga fyrirvara þar sem tilgreindur er bæði fundartími, fundarstaður og dagskrá.
„Við erum þegar búin að boða næstu 69 aðalfundi og 70 fundir til viðbótar eru komnir með staðfesta dagsetningu. Til viðbótar eru svo á sjöunda tug funda komnir í undirbúning og vinnslu,“ segir Páll. „Þá er búið að ljúka vinnslu 530 ársreikninga og á fjórða hundrað kostnaðar- og húsgjaldaáætlana.
Ertu skráður á Húsbók?
Æ meiri áhersla er lögð á rafræna boðun funda hjá Eignaumsjón, bæði til að tryggja að fundarboð skili sér örugglega til viðkomandi og af umhverfisástæðum til að draga úr pappírsnotkun segir Páll.
„Það er rétt að árétta enn og aftur að til að fá rafræn fundarboð þurfa eigendur að skrá sig inn í Húsbók húsfélagsins, áður mínar síður eigenda, með netfanginu sínu og aukenna sig með rafrænum skilríkjum í snjallsíma eða íslykli. Hlekk á Húsbókina er að finna efst til hægri á heimasíðunni okkar; www.eignaumsjon.is.“
Recent Comments