Fyrirmyndarfyrirtæki í rekstri árið 2023

Oct 11, 2023 | Fréttir

Þriðja árið í röð er Eignaumsjón hf. í hópi þeirra fyrirtækja á Íslandi sem eru á lista Viðskiptablaðsins og Keldunnar yfir Fyrirmyndarfyrirtæki í rekstri.

Að þessu sinni eru 2,8% fyrirtækja á Íslandi, eða 1.407 fyrirtæki, á lista Viðskiptablaðsins og Keldunnar. Til að komast á listann þurfa fyrirtækin, sem eru flokkuð í stór, meðalstór og lítil fyrirtæki, að uppfylla ströng skilyrði um afkomu, einginfjárhlutfall, tekjur og eignir.

Í fyrsta lagi þurfa fyrirmyndarfyrirtæki í rekstri árið 2023 að hafa skilað ársreikningi fyrir rekstrarárin 2022 og 2021 en einnig er rekstrarárið 2020 haft til viðmiðunar. Fyrirtækin þurfa sömuleiðis að hafa skilað jákvæðri afkomu á rekstrarárunum 2022 og 2021. Tekjur fyrirtækjanna þurfa enn fremur að hafa verið umfram 40 milljónir króna á rekstrarárunum 2022 og 2021, eignir yfir 80 milljónum króna sl. tvö ár og eiginfjárhlutfall þarf að hafa verið yfir 20% í lok áranna 2022 og 2021, nema í tilviki bankanna.

Auk ofangreindra þátta er sömuleiðis tekið tillit til ýmissa annarra þátta, sem metnir eru af Viðskiptablaðinu og Keldunni.