Sumri hallar – hausta fer

Nú er að síga á sumarið og haustið nálgast. Fjölmörg húsfélög hafa staðið í ströngu í sumar og farið í viðamiklar viðhaldsframkvæmdir. Ákvarðanir um stærri viðhaldsframkvæmdir geta tekið tíma enda þarf oft nokkra húsfundi til undirbúnings endanlegri ákvarðanatöku. Eignaumsjón hefur aðstoðað fjölmörg húsfélög við ákvarðanatöku um viðhaldsframkvæmdir síðastliðinn vetur og vor. Þeim framkvæmdum er gjarnan að ljúka núna.
En það eru fjölmörg húsfélög sem hafa misst af enn einu sumrinu til að klára eðlilegt utanhússviðhald. Oft er það vegna þess að húsfélögin koma sér ekki almennilega að verki og finnst þetta ferli flókið og erfitt. Það getur því verið nauðsynlegt fyrir húsfélag að fá faglega aðstoð varðandi hvað skuli gera í viðhaldsmálum og hvernig skuli standa að ákvörðun.
Við hjá Eignaumsjón erum þjálfuð í að koma að þessu ferli, bæði hvernig skal standa að ferlinu og að taka ákvörðun. Með byggingafræðing hér innanhúss hefur þekking okkar í viðhaldsmálum fjöleignarhúsa aukist enn frekar og faglegur stuðningur við húsfélög því enn meiri.