Tveir starfsmenn hafa nýverið hafið störf hjá Eignaumsjón en Árni Guðmundsson þjónustufulltrúi hefur látið af störfum.
Páll Þór Ármann rekstrarhagfræðingur mun annast markaðs- og sölumál hjá félaginu og fylgja nýjum viðskiptavinum eftir fyrstu skrefin hjá Eignaumsjón.
Bjarni Þór Ólafsson byggingafræðingur B.Sc mun annast útvegun þjónustu til viðskiptavina og undirbúa fyrstu aðgerðir varðandi framkvæmdir húsfélaga.
Ráðning þessara tveggja starfsmanna er liður í þeim áformum að auka enn frekar gæði og árangur af starfi okkar.
Um leið og við óskum Árna velfarnaðar í framtíðinni fögnum við hjá Eignaumsjón nýjum liðsfélögum og vonum að framlag þeirra skili okkur og viðskiptamönnum okkar góðum árangri.