Eignaumsjón flytur – en ekki langt

Um næstu mánaðamót, nánar tiltekið í lok september mun Eignaumsjón flytja skrifstofu sína af 4. hæð niður á jarðhæð hússins Suðurlandsbraut 30.

Verið er að standsetja skrifstofuna með þægindi starfsmanna og viðskiptavina í huga. Reiknað er með að nýtt húsnæði verði tilbúð nú í lok september og þá mun flutningurinn eiga sér stað.

Þessi aðgerð færir okkur nær viðskiptavinum okkar, starfsaðstaða batnar og aðstaða okkar til fundahalda batnar verulega þar sem við munum fjölga fundarherbergjum, sem búin verða nýjasta búnaði. Einnig gerir það okkur sýnilegri gagnvart almennri umferð um Suðurlandsbraut.

Við hlökkum til að taka á móti okkar ágætu samstarfsaðilum í nýju glæsilegu húsnæði innan tíðar.

Starfsfólk Eignaumsjónar.