• Facebook
  • Instagram
  • Húsbókin
  • Húsbókin
Eignaumsjon
  • Húsfélög
  • Atvinnuhúsnæði
  • Leigufélög
  • Húsumsjón
  • Hitavaktin
  • AÐGANGSSTÝRINGAR
  • Íbúðaumsjón
  • Rafbílahleðsla
  • Um okkur
    • Mannauður
    • Hafa samband
    • Húsbók Eignaumsjónar
    • Umboð fyrir Húsbókina
    • Umhverfisáherslur
    • Persónuvernd og skilmálar
    • Spurningar og svör
    • Fundarsalir til leigu
  • Fréttir
    • Greinar
    • Myndbönd
Select Page

Samkomulag við Brák íbúðafélag um rekstrar- og leiguumsjón

Jun 20, 2025 | Fréttir

Einar Georgsson, framkvæmdastjóri Brákar íbúðafélags og Daníel Árnason, framkvæmdastjóri Eignaumsjónar, handsala samkomulag félaganna um rekstrar- og leiguumsjón.

Eignaumsjón og Brák íbúðafélag, sem á og rekur 49 íbúðir í Reykjavík og á annað hundrað íbúðir á landsbyggðinni, hafa gert með sér samkomulag um að Eignaumsjón annist rekstrar- og leiguumsjón fyrir íbúðafélagið.

Samkvæmt samkomulaginu mun Eignaumsjón sjá um gerð leigusamninga fyrir hönd Brákar, sem og innheimtu vegna þeirra. Í þjónustunni felst einnig umsjón með daglegum fjárreiðum félagsins, þar á meðal innheimta leigutekna, greiðsla reikninga og kostnaðar, færsla og afstemming bókhalds og rekstraruppgjör. Jafnframt mun Eignaumsjón annast Húsumsjón samkvæmt þjónustusamningi í leiguhúsnæði Brákar við Vatnsholt 1-3 í Reykjavík og Dalbraut 6 á Akranesi. Þjónustan felur í sér reglubundið eftirlit með sameigninni.

„Við erum ánægð að ganga til samstarfs við Eignaumsjón, reynslumikið fyrirtæki sem mun létta okkar störf og skapa aukið svigrúm til að vinna að langtímamarkmiðum félagsins. Markmið okkar er að stuðla að uppbyggingu og öryggi á langtímaleigumarkaði með sérstaka áherslu á landsbyggðina í samstarfi við sveitarfélögin í landinu,“ segir Einar Georgsson, framkvæmdastjóri Brákar íbúðafélags.

Daníel Árnason, framkvæmdastjóri Eignaumsjónar, þakkar fyrir traustið sem felst í samkomulaginu: „Um er að ræða stærsta einstaka samning sem Eignaumsjón hefur gert og við erum spennt að nýta fjölhæfni okkar og þekkingu í rekstri fasteigna við að takast á við þetta verkefni. Samstarfið er þegar hafið og við hlökkum til að vinna saman að því að þróa þessa þjónustu.“

Um Brák íbúðafélag

Brák íbúðafélag hses. er húsnæðissjálfseignarstofnun sem var stofnuð árið 2022 af sveitarfélögum utan höfuðborgarsvæðisins. Félagið hefur það markmið að bæta aðgengi tekjulágra fjölskyldna að íbúðum í langtímaleigu, með því að kaupa, byggja og reka íbúðir á landsbyggðinni. Félagið rekur starfsemi sína án hagnaðarmarkmiða.

Um Eignaumsjón

Eignaumsjón hf. er leiðandi fyrirtæki á sviði fasteignarekstrar og þjónustu við húsfélög, leigufélög og atvinnuhúsnæði. Fyrirtækið býr að 25 ára þekkingu og reynslu í rekstri fasteigna, með áherslu á hlutlausa nálgun, öryggi, gæði og skýra verkferla.  Eignaumsjón leggur áherslu á að bæta rekstrarhagkvæmni, tryggja öflugt upplýsingaflæði til eigenda og/eða leigjenda og auðvelda störf fasteignaeigenda.

0
1
0
0
0
0
0
0

Recent Posts

  • Orkureiturinn – 436 íbúða byggð rís miðsvæðis í Reykjavík
  • Er hjólageymslan hausverkur?
  • Samkomulag við Brák íbúðafélag um rekstrar- og leiguumsjón
  • Nýir starfsmenn á tæknisviði Eignaumsjónar
  • Vorfundur 2025 um þjónustuna og samstarfið
Eignaumsjón | Suðurlandsbraut 30 | Sími 585 4800