Helga Árnadóttir er nýr liðsmaður í þjónustuveri Eignaumsjónar og hóf hún störf í ágústlok. Átta starfsmenn standa að jafnaði vaktina í þjónustuverinu, sem hefur verið starfrækt í um fjögur ár með góðum árangri.
Þjónustuverið sinnir erindum frá stjórnum hús- og rekstrarfélaga, annast samskipti við þjónustu- og fagaðila og svarar almennum erindum sem berast félaginu.
Helga starfaði í fjögur ár sem þjónustufulltrúi hjá Motus, við milliinnheimtu og greiðendaþjónustu og vann einnig sem flugfreyja í tvö ár. Hún starfaði líka um tíma sem þjónustufulltrúi hjá Já og einnig við félagslega heimaþjónustu hjá Reykjavíkurborg. Helga er með stúdentspróf frá Fjölbrautarskólanum við Ármúla og samhliða vinnu er hún að ljúka B.SC námi í tölvunarfræði við Háskólann í Reykjavík.
Um Eignaumsjón
Eignaumsjón býr að 22 ára þekkingu og reynslu í þjónustu við húsfélög og rekstrarfélög atvinnuhúsnæðis. Áhersla er lögð á hlutlausa nálgun, öryggi, gæðamál og skýra verkferla með það að markmiði að gera rekstur fasteigna markvissari og ódýrari, auka upplýsingaflæði til eigenda og auðvelda störf stjórna.
Recent Comments