Guðrún Kristín Guðmarsdóttir hóf störf fyrir nokkru hjá fjármálasviði Eignaumsjónar þar sem hún sinnir almennum gjaldkerastörfum, þar á meðal greiðslu reikninga, eftirfylgni krafna og úrlausn fjármálatengdra verkefna í samráði við fjármálateymi Eignaumsjónar.
Guðrún er útskrifuð frá frumgreinadeild Háskólans í Reykjavík og starfaði sem innheimtufulltrúi og gjaldkeri hjá félaginu Straumhvarf og skildum félögum, áður en hún kom til Eignaumsjónar. Þar áður var Guðrún innheimtufulltrúi hjá Samtökum atvinnulífsins og bókari hjá bæði Iceland Pro Travel og Ríkiskaup. Þá átti hún og rak um tíma vefverslun með íþróttafatnað sem hún flutti inn.
Um Eignaumsjón
Eignaumsjón sérhæfir sig í þjónustu við húsfélög og rekstrarfélög atvinnuhúsnæðis með það að markmiði að gera rekstur fasteigna bæði markvissari og ódýrari, auka upplýsingaflæði til eigenda og hússtjórna og auðvelda störf þeirra.
Recent Comments