Grímur Rúnar nýr húsumsjónarmaður hjá Eignaumsjón

Grímur Rúnar Waagfjörð hefur verið ráðinn húsumsjónarmaður hjá Eignaumsjón í stað Einars Snorrasonar sem hverfur til annarra starfa.

Grímur Rúnar er með sveinspróf í rafvirkjun og hefur unnið sem rafvirki í rúma fjóra áratugi, bæði við nýlagnir, viðhald, viðgerðir og umsjón rafbúnaðar, s.s. hjá fyrirtækjum og stofnunum eins og Hagvirki, Nýherja/Origo, Marel, Hrafnistu og Grund, áður en hann gekk til liðs við Eignaumsjón.

Vaxandi eftirspurn hefur verið eftir faglegu eftirliti og umsjón með sameignum hús- og atvinnufélaga frá því að Eignaumsjón byrjaði að bjóða upp á þá þjónustu árið 2017. Um leið og við bjóðum Grím Rúnar velkominn til starfa þökkum við Einari Snorrasyni fyrir vel unnin störf á liðnum árum.

Húsumsjón Eignaumsjónar

Húsumsjón er þjónustuleið fyrir  hús- og atvinnufélög sem tryggir reglubundna umsjón með sameign fasteignar, lækkar viðhaldskostnað og tryggir að ástand viðkomandi eignar sé ávallt eins og best verður á kosið. Húsumsjón kemur í stað hefðbundinnar húsvörslu og fer þá fagmaður á vegum Eignaumsjónar reglulega yfir ástand viðkomandi húseignar. Hann fylgist með orkunotkun, öðrum kerfum og búnaði eignarinnar og gerir nauðsynlegar úrbætur, hefur eftirlit með umhirðu og ástandi sameignar, bæði innanhúss sem utan og kemur með ábendingar og tillögur um úrbætur til hússtjórnar. Rík áhersla er lögð á góð samskipti og upplýsingaflæði og er ítarleg skýrsla send eftir hverja heimsókn á stjórn viðkomandi félags.