Húsfélög undanskilin skyldu um rafræna skráningu raunverulegra eigenda

Að gefnu tilefni skal áréttað að húsfélög falla ekki undir skráningarskyldu á raunverulegum eigendum fyrirtækja/lögaðila eða útibúa sem verið er að auglýsa að ganga þurfi frá hjá fyrirtækjaskrá ríkisskattstjóra.

Nokkuð hefur verið um fyrirspurnir frá viðskiptavinum til Eignaumsjónar, bæði stjórnum húsfélaga og einstaklingum,. í kjölfar auglýsinga frá skattinum á dögunum um rafræna skráningu raunverulegra eigenda. Sumir þeirra sem höfðu samband voru frekar stressaðir yfir þessu þar sem þeir vissu ekki hvernig ætti að bregðast við. Strax og þessar fyrirspurnir bárust var sent erindi á fyrirtækjaskrá ríkisskattstjóra og þaðan hefur nú borist staðfesting um að ekki þurfi að skila inn raunverulegum eigendum fyrir húsfélög.

Sjá nánari upplýsingar um skráningu raunverulegra eigenda á rsk.is